კობახიძე: მზად ვართ, თუნდაც ერთპარტიულად შევასრულოთ EU-ს ცხრა მოთხოვნა

თქვენ გახსოვთ, რომ თავის დროზე ჩვენ პრაქტიკულად, თითქმის ერთპარტიულად მოვახერხეთ 12 პუნქტის შესრულება, რის საფუძველზეც მოგვენიჭა კანდიდატის სტატუსი. ახლაც მზად ვართ, თუნდაც ერთპარტიულად შევასრულოთ ცხრა მოთხოვნა, რომელიც წამოაყენა ევროკავშირმა. კარგი იქნება, თუ სხვა პარტიების ჩართულობა იქნება უზრუნველყოფილი. თუმცა, რა თქმა უნდა, ლელოს და მსგავსი რადიკალური პარტიების იმედი ჩვენ არც წარსულში გვქონდა და ვერც მომავალში გვექნება. მათ აირჩიეს საკუთარი რადიკალური დღის წესრიგი და ალბათ გაჰყვებიან ამ რადიკალურ დღის წესრიგს.