ჩეხეთის დედაქალაქის, პრაღის ცენტრალურ ნაწილში მდებარე კარლის უნივერსიტეტში სროლას 10 ადამიანი ემსხვერპლა, არიან დაშავებულებიც. ინფორმაციას ადგილობრივი პოლიცია ადასტურებს.
პოლიციის თქმით, თავდასხმა ხელოვნების ფაკულტეტის შენობაში მოხდა.
პოლიციამ თავდამსხმელი გაანეიტრალა. ჩეხეთის სამაშველო-საძიებო სამსახურის ინფორმაციით, დაშავებულია დაახლოებით 30 ადამიანი, მათ შორის 9 სერიოზულად არის დაზიანებული.
"ადგილზე რამდენიმე გარდაცვლილი და ათობით დაშავებულია". – წერს ჩეხეთის პოლიცია X-ზე (ყოფილი Twitter-ი).
პოლიციამ ასევე უნივერსიტეტის მიმდებარე ტერიტორია გადაკეტა და მოსახლეობას სახლებში დარჩენისკენ მოუწოდა. გარდა ამისა, მათ ფილოსოფიის ფაკულტეტის ევაკუაცია ჩაატარეს.
"მთლიანი შენობა უკვე ევაკუირებულია და პიროტექნიკური გამოძიება მიმდინარეობს". – წერს პოლიცია X-ზე (ყოფილი Twitter-ი).
