ჩინეთში მიწისწვრას, სულ მცირე, 111 ადამიანი ემსხვერპლა, 200-ზე მეტი კი დაშავდა.
ჩინეთის ჩრდილო-დასავლეთ ნაწილში, განსუს და ჩინხაის პროვინციებში მიწისძვრამ დააზიანა სახლები, გზები, ელექტროენერგიისა და კომუნიკაციის წყაროები.
შემთხვევა ღამის საათებში მოხდა, მიწისძვრის ეპიცენტრი კი პეკინიდან 1300 კილომეტრის სიშორეზე დაფიქსირდა. აშშ-ს გეოლოგიური კვლევის მიხედვით, სიმძლავრე 5.9 ბალი იყო, ხოლო ჩინურმა მედიამ ის 6.2 ბალიანად შეაფასა.
ადგილზე მალევე მობილიზდა 2000-ზე მეტი მაშველი და დაიწყო სამაშველო-სამძებრო სამუშაოები.
მომხდარს გამოეხმაურა ჩინეთის პრეზიდენტი, სი ძინპინი.
"ძებნისა და გადარჩენისთვის ყველაფერი უნდა გაკეთდეს, დაშავებულებს დროულად აღმოუჩნდეთ დახმარება და მაქსიმალურად მცირე დანაკარგი იყოს". – წერია ჩინეთის სი ძინპინის განცხადებაში.
