გერმანიამ უკრაინის ელექტროსფეროს დასახმარებლად 300 მილიონი ევრო გამოყო.
ამის შესახებ სოციალურ ქსელ X-ში(ყოფილი Twitter) წერს უკრაინაში გერმანიის სრულუფლებიანი ელჩი მარტინ იეგერი.
"ჩვენი მრავალხნიანი პარტნიორობიდან გამომდინარე გერმანიამ უკრენერგოს 300 მილიონ ევროს ენერგოქსელის რემონტისთვის და მოდერნიზაციისთვის გამოუყო". - წერს იეგერი სოციალურ ქსელში.
ცოტა ხნით ადრე ცნობილი გახდა, რომ უკრაინული ენერგეტიკის დასახმარებლად სპეციალურ ფონდში 7 მილიონ ევროს დანია გადარიცხავს.
