გვარებითაც მინდოდა მელაპარაკა, მაგრამ თავს შევიკავებ, რადგან დარბაზში არ არიან. უბრალოდ, ყველაფერს აქვს საზღვარი. შეუძლებელია, რადგან არჩევნებია მოახლოებული, რომ ამ იაფფასიანი პოპულიზმით ვინმეს თავი მოაწონოთ. ახლა ოპოზიციიდან ვისმენ, რომ თურმე მანქანები რაში გჭირდებათო და დათვლა დაიწყეს, გავყიდოთ და ველოსიპედით იარეთო. ამას ამბობდა ის ადამიანი, რომელიც წინა მოწვევაში სწორედ იმ მანქანით დადიოდა, რომელიც ახლა სხვას ემსახურება. მაშინ რაღაც არ ჰქონდა ეს მიდგომა, არც ეს პრეტენზია, არც ეს ველოსიპედები გახსენებია მაშინ, მაგრამ ახლა გაახსენდა იმიტომ, რომ ხვალ არჩევნებია. ეს იაფფასიანი პოპულიზმია. მე მოვუწოდებ ოპოზიციას, ძალიან ბევრს გემსახურებათ მანქანა, რაც არის რეგლამენტით დაწესებული - ჩამობრძანდით და ველოსიპედებით იარეთ. მე ვთხოვ პარლამენტის აპარატს, შევუძინოთ. მშვენიერი არის, გამოიყენეთ ეს შესაძლებლობა, მაგალითი მოგვეცით, იარეთ ველოსიპედით, აბა, ვისაც მანქანები გემსახურებათ.
საქართველოს პარლამენტი
ზარქუა ოპოზიციას: მაგალითი მოგვეცით, იარეთ ველოსიპედით, ვისაც მანქანები გემსახურებათ
