მილიარდერმა ილონ მასკმა ლექს ფრიდმანის პოდკასტში რუსეთ-უკრაინის ომზე კომენტარი გააკეთა.
საუბრისას ფრიდმანის კითხვაზე ღირს თუ არა, რომ ვოლოდიმირ ზელენსკი ვლადიმერ პუტინთან მოლაპარაკების მაგიდასთან დაჯდეს Tesla-ს მფლობელმა ასე უპასუხა:
"კი. მე ვურჩევ (ზელენსკის) არ გაწიროს უკრაინელი ახალგაზრდები თხრილში სიკვდილისთვის. ამის გაკეთება საჭირო არ არის, მიუხედავად იმისა, შეხვდება თუ არა პუტინს".
ბიზნესმენმა ასევე თვლის, რომ უკრაინის შეიარაღებული ძალებისთვის ფრონტზე არასახარბიელო სიტუაციაა, კონტრშეტევის გაგრძელების გადაწყვეტილებამ კი შესაძლოა დიდი მსხვერპლი მოიტანოს.
2022 წელს მასკმა "მშვიდობიანი გეგმა" წარმოადგინა, რომლის მიხედვითაც ანექსირებული ყირიმი რუსეთს რჩებოდა. გეგმა უკრაინის ხელმძღვანელობამ გააკრიტიკა.
მასკი ასევე ამერიკელი პოლიტიკოსების ნაწილის, ძირითადად რესპუბლიკელების აზრს იზიარებს, იმის შესახებ, რომ აშშ-მ უკრაინის დაფინანსება უნდა შეწყვიტოს.
