ამერიკული გამოცემა New York Times-ის კვლევით, აშშ-ს 2024 წლის საპრეზიდენტო არჩევნებში ექვსი ყველაზე მნიშვნელოვანი შტატიდან ხუთში, დონალდ ტრამპი პრეზიდენტ ჯო ბაიდენს გამოკითხვებში წინ უსწრებს.
შედეგების მიხედვით, ბაიდენი 4-10%-იანი მაჩვენებლით ჩამორჩება დონალდ ტრამპს, რომელიც დიდი ალბათობით არჩევნებზე მისი მოწინააღმდეგე იქნება. ერთადერთი შტატი, რომელშიც ბაიდენს უპირატესობა აქვს, უისკონსინია, სადაც იგი 2%-ით უსწრებს ტრამპს.
გამოკითხვის შედეგებს ყოფილი პრეზიდენტის ბარაკ ობამას უფროსი მრჩეველი დეივიდ აქსელროდი X-ზე (ყოფილ Twitter-ზე) გამოეხმაურა. მან ბაიდენს ურჩია, 2024 წლის არჩევნებში მონაწილეობა არ მიიღოს.