კოლეგების დაკავების ფონზე რუსეთი დატოვა ალექსეი ნავალნის მეოთხე ადვოკატმა ალექსანდრ ფედულოვმა. ამის შესახებ თავად ფედულოვმა სოციალურ ქსელში დაწერა.
16 ოქტომბერს ფედულოვი უნდა გამოცხადებულიყო სხდომაზე, სადაც ნავალნისა და გამოსასწორებელ კოლონია N6-ს შორის მორიგი სასამართლო გარჩევა უნდა გამართულიყო. საბოლოოდ სხდომა გადაიტანეს.
13 ოქტომბერს მოსკოვში ალექსეი ნავალნის სამი ადვოკატი – ვადიმ კობზევი, ალექსეი ლიპცერი და იგორ სერგუნინი პოლიციამ დააკავა.
სამივე ადვოკატს "ექსტრემისტულ გაერთიანების" წევრობა ედება ბრალად. დაკავებულთა სახლებში სამართალდამცავებმა ჩხრეკა ჩაატარეს.
იმავე დღეს მოსკოვის სასამართლომ კობზევს, ლიპცერსა და სერგუნინს 3-თვიანი წინასწარი პატიმრობა მიუსაჯა.
გამოცემა Новая Газета-ს ცნობით ჩხრეკის ორდერი იყო გაცემული ნავალნის კიდევ ერთ ადვოკატზე ოლგა მიხაილოვაზე, რომელიც ამჟამად რუსეთში არ ცხოვრობს.