ვფიქრობ, რომ ეს განცხადება უადგილოა. ვინაიდან, საქმე საქართველოს კონსტიტუციასა და კანონის უზენაესობას ეხება. როცა კანონის უზენაესობაზე ვსაუბრობთ, უპირველეს ყოვლისა, უზენაესი კანონი, ანუ კონსტიტუცია იგულისხმება. თუ იმაზე ვსაუბრობთ, რომ ჩვენ საერთო ევროპული ღირებულებები გვაქვს, საერთოში სწორედ იმას ვგულისხმობთ, რომ ჩვენთვის საერთო კანონის უზენაესობაა. აქ არ არსებობს პირველ და მეორეხარისხოვანი ქვეყნები - ქვეყნები, სადაც კანონის უზენაესობასა და კონსტიტუციას მნიშვნელობა აქვს და ქვეყნები, სადაც, შეიძლება, კონსტიტუცია მეორეხარისხოვანი იყოს. მნიშვნელოვანია, რომ ჩვენ ამ საკითხს არა პოლიტიკური კინკლაობითა და დებატებით ვწყვეტთ, არამედ, სასამართლოს მივმართავთ [...] ვფიქრობ, ასეთი ტიპის განცხადებები პირიქით, საქართველოს პრეზიდენტს ხელს უწყობს, რომ ის საკუთარ კონსტიტუციის დარღვევაში რაღაცნაირად გაჯიუტდეს და პოლარიზაცია კიდევ უფრო გაღრმავდეს. უცხოელ აქტორებს მოვუწოდებ, მასპინძელი ქვეყნის კონსტიტუციას პატივი სცენ.
საქართველო-ევროკავშირი
პაპუაშვილი ჰერჩინსკიზე: ვფიქრობ, რომ ეს განცხადება უადგილოა
