უკრაინამ და აშშ-მ ურთიერთგაგების მემორანდუმს მოაწერეს ხელი, რომელიც ითვალისწინებს უკრაინის ენერგო სისტემის განვითარებისთვის 522 მილიონი დოლარის გამოყოფას. მემორანდუმის შესახებ ინფორმაციას ადასტურებს აშშ-ს საელჩო უკრაინაში.
ურთიერთგაგების მემორანდუმის მიხედვით, უკრაინა თავდაპირველად მიიღებს 422 მილიონ ამერიკულ დოლარს ენერგო სისტემის სტაბილურობის გასაზრდელად, ხოლო შემდგომ 100 მილიონ ამერიკულ დოლარს შესაბამისი რეფორმების გასატარებლად.
აშშ-ს საელჩოს თქმით, ამ დახმარების პაკეტის მთავარი მიზანი უკრაინაში რუსული თავდასხმების შედეგად დაზიანებული ენერგო ინფრასტრუქტურის აღდგენაა.
