რუსულმა არტილერიამ ხერსონი დაბომბა. ერთ-ერთი ჭურვი ტროლეიბუსს მოხვდა, დაღუპულია პოლიციის სერჟანტი.
"დილით ხერსონში საარტილერიო დაბომბვის შედეგად პოლიციის 49 წლის სერჟანტი დაიღუპა, კიდევ ორი მოქალაქე მძიმედ არის დაჭრილი. მტრის ჭურვი ტროლეიბუსს მოხვდა". – განაცხადა ხერსონის ოლქის სახელმწიფო ადმინისტრაციის თავმჯდომარემ ალექსანდრ პროკუდინმა.
ტროლეიბუსის გარდა ცეცხლი გაუჩნდა 1000 კვადრატული მეტრის ზომის საწყობს. ადგილზე მუშაობს სახანძრო სამსახური.
რუსეთი ყოველდღიურად ბომბავს უკრაინის ტერიტორიას, განსაკუთრებით კი დეოკუპირებულ რეგიონებს.
