ბალტიის ზღვაში, ლატვიასა და ესტონეთის სანაპიროსთან სამხედრო წვრთნები Northern Coasts დაიწყო, რომელშიც 30-მდე ხომალდი და 3 000-ზე მეტი სამხედრო მიიღებს მონაწილეობს.
წვრთნებში მონაწილეობას ბალტიის ზღვის ნაპირზე მყოფი NATO-ს ყველა ქვეყანა, შვედეთი, აშშ, კანადა, ნიდერლანდები, ბელგია და საფრანგეთი იღებენ.
გერმანიის საზღვაო ძალების ხელმძღვანელობით ერთ-ერთი ყველაზე მასშტაბური წვრთნებია რეგიონში. მისი ძირითადი ფოკუსი რეგიონში რუსეთის თავდასხმის მოგერიებისთვის შესაბამისი მომზადებაა
გასულ კვირას გავრცელებული ინფორმაციით, ვიცე-ადმირალის იან კრისტიან კააკის თქმით, წვრთნები რუსეთისთვის მკაფიო სიგნალის გაგზავნას ემსახურება - "სანდო შეკავება თავდაცვის უნარს უნდა გულისხმობდეს".
კააკმა ასევე აღნიშნა, რომ აშშ-ს საზღვაო ძალები წვრთნებისთვის გაგზავნის თავის Mesa Verde-ს - 200 მეტრზე მეტი სიგრძის ხომალდს, რომელიც განკუთვნილია თავდასხმისა და 800 საზღვაო ქვეითის გადასაყვანად.
გავრცელებული ინფორმაციით, ეს იქნება ამ მასშტაბის პირველი წვრთნა, რომელსაც გერმანული ფლოტი როსტოკში მდებარე ახალი საზღვაო შტაბიდან უხელმძღვანელებს.