ბალტიის ზღვაში პირველად დაიწყება საზღვაო წვრთნები, რომლის ძირითადი ფოკუსი რეგიონში რუსეთის თავდასხმის მოგერიებისთვის შესაბამისი მომზადება იქნება.
წვრთნების დაწყება 9 სექტემბერსაა დაგეგმილი, ხოლო მასში მონაწილეობას მიიღებს 30 გემი და 3 000-ზე მეტი სამხედრო დასავლეთის ქვეყნებიდან, მათ შორის, ბალტიის ზღვის ნაპირზე მყოფი NATO-ს ყველა ქვეყნიდან, შვედეთიდან, რომელი ალიანსის წევრი მალე გახდება, აშშ-დან, კანადიდან, ნიდერლანდებიდან, ბელგიიდან, საფრანგეთიდან.
ვიცე-ადმირალის იან კრისტიან კააკის თქმით, წვრთნები რუსეთისთვის მკაფიო სიგნალის გაგზავნას ემსახურება - "სანდო შეკავება თავდაცვის უნარს უნდა გულისხმობდეს".
კააკმა ასევე აღნიშნა, რომ აშშ-ს საზღვაო ძალები წვრთნებისთვის გაგზავნის თავის Mesa Verde-ს - 200 მეტრზე მეტი სიგრძის ხომალდს, რომელიც განკუთვნილია თავდასხმისა და 800 საზღვაო ქვეითის გადასაყვანად.
გავრცელებული ინფორმაციით, ეს იქნება ამ მასშტაბის პირველი წვრთნა, რომელსაც გერმანული ფლოტი როსტოკში მდებარე ახალი საზღვაო შტაბიდან უხელმძღვანელებს.