საავტომობილო გზების დეპარტამენტის ინფორმაციით, შატილის მიმართულებით წვიმის გამო მიწა ჩამოიშალა, რის გამოც ჟინვალი-ბარისახო-შატილის გზაზე ავტომობილების გადაადგილება აკრძალულია.
"შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 90-ე კმ-ზე, ღამის წვიმების შედეგად, ჩამოიშალა მიწის მასა, რის გამოც აღნიშნულ მონაკვეთზე ყველა სახის ავტოტრანსპორტის მოძრაობა აკრძალულია.
გაწმენდითი სამუშაოები აქტიურად მიმდინარეობს, რათა უმოკლეს დროში აღდგეს საავტომობილო მიმოსვლა". - აღნიშნულია გზების დეპარტამენტის განცხადებაში.
