ჩეჩნეთის ლიდერის, რამზან კადიროვის დისშვილი იაკობ ზაკრიევი Danone-ს გენერალური დირექტორი გახდა. ზაკრიევი 2016 წლიდან ჩეჩნეთის პრემიერმინისტრის მოადგილის პოსტს იკავებს.
2023 წლის ივლისის დასაწყისში, პუტინის საპრეზიდენტო დეკრეტით Danone-ს და Carlsberg-ის აქტივები რუსეთს გადაეცა.
2022 წელს რუსეთ-უკრაინის ომის დაწყების შემდეგ, მრავალი უცხოური კომპანია რუსეთიდან გავიდა და რუსეთის ტერიტორიაზე დარჩენილი მათი აქტივები რუსეთის სახელმწიფოს მფლობელობაში გადავიდა.
Danone-ს გენერალური დირექტორის პოსტზე იაკობ ზაკრიევის დანიშვნა ჩეჩნეთის ეროვნული პოლიტიკის და საგარეო ურთიერთობების მინისტრმა ახმედ დუდაევმა დაადასტურა.
“მისი არჩევა Danone-ს გენერალურ დირექტორად აჩვენებს, რომ ჩეჩნეთის პრეზიდენტის და რუსეთის გმირის, რამზან ახმატის ძე კადიროვის გუნდის წარმომადგენლები ნიჭიერი და წარმატებული მენეჯერები არიან” - თქვა დუდაევმა.
სოციალურ მედიაში რამზან კადიროვს იაკობ ზაკრიევი მოხსენიებული ჰყავს, როგორც მისი “საყვარელი დისშვილი”.
ზაკრიევის დანიშვნა Danone-ს გენერალურ დირექტორად აჩვენებს რამზან კადიროვის დიდ გავლენებს და აქტივების გადაცემის დიდ მასშტაბებს რუსეთში.
2022 წლის ოქტომბერში Danone-ს წარმომადგენელმა განაცხადა, რომ ტოვებდნენ აქტივებს რუსეთში, რაც დაახლოებით 1 მილიარდი ამერიკული დოლარის ჩამოწერას გამოიწვევდა.
Reuters-ის ინფორმაციით, საფრანგეთში დაარსებული რძის პროდუქტების კომპანია Danone განიხილავს ლეგალურ გზებს რუსეთის მიერ აქტივების მითვისების საპასუხოდ.
Financial Times-ის ცნობით, პუტინთან დაახლოებული იური და მიხაილ კოვალჩუკებს აქვთ ინტერესი ლუდის კომპანია Carlsberg-ის შვილობილ Baltika-ს აქტივებთან დაკავშირებით.
გერმანული კომპანიის, Carlsberg-ის წარმომადგენლების თქმით, Baltika-ს მენეჯმენტში ცვლილების Carlsberg-ის თანხმობის გარეშე მიიღეს.