ევროპული საქართველოს თავმჯდომარე, გიგა ბოკერია ეხმიანება ევროპარლამენტარ პეტრას აუსტრევიჩიუსის პრემიერმინისტრ ირაკლი ღარიბაშვილზე გაკეთებულ განცხადებას და აღნიშნავს, რომ აუსტრევიჩუსი ყველა ეტაპზე საქართველოს NATO-ში გაწევრიანების, ტერიტორიული მთლიანობის, სუვერენიტეტის აქტიური მხარდამჭერი იყო.
"ჩვენი პრობლემა დღეს ის არის, რომ ყველა ადამიანის მიმართ, ვისაც აქვს ფუნდამენტური ინტერესი საქართველოს მხარდაჭერისა NATO-ში ინტეგრაციის, ჩვენი ტერიტორიული მთლიანობის აღდგენის საკითხში – იქ დაბადეს კონფლიქტი. იმ ხალხს დაუპირსპირდნენ, ვინც საქართველოს სჭირდება ჩვენი ეროვნული ინტერესების დასაცავად. ეგ არის ივანიშვილის რეჟიმის არსი, რომ საკუთარი ძალაუფლების შენარჩუნების საქმეს სწირავენ ქვეყნის ეროვნულ ინტერესს და ქვეყნის უსაფრთხოებას". – ამბობს გიგა ბოკერია.
"ბევრი უნდა ისწავლო, ნაკლები იოცნებო" – ასე გამოეხმაურა ევროპარლამენტარი, ევროპის განახლების ჯგუფის წევრი, პეტრას აუსტრევიჩიუსი პრემიერმინისტრ ირაკლი ღარიბაშვილის სიტყვებს – "უკრაინამ რუსეთი თუ დაამარცხა, NATO-ს წევრობა რაღა საჭიროა?!".
