სტოკჰოლმში Grona Lund-ის გასართობ პარკში ატრაქციონი რელსებიდან გადავიდა, რის შედეგადაც ერთი ადამიანი დაიღუპა, ხოლო 9 დაშავდა, მათ შორის ბავშვები.
"დღეს გლოვის დღეა Grona Lund-ში, ჩვენ გვქონდა ძალიან სერიოზული ავარია Rollercoaster Jetline-ში, სადაც ერთი ადამიანი დაიღუპა და ცხრა ადამიანი დაშავდა. ასეთი რაღაც არ უნდა ხდებოდეს Grona Lund-ში ლუნდში, მაგრამ მაინც მოხდა". - ამბობს პარკის აღმასრულებელი დირექტორი, იან ერიქსონი.
მომხდარზე გამოძიება დაწყებულია. პოლიციის ინფორმაციით, დაშავებულები საავადმყოფოში მკურნალობენ, სამს მძიმე დაზიანებები აღენიშნება.
პარკის აღმასრულებელი დირექტორის თქმით, 140 წლის პარკი მინიმუმ 1 კვირით დაიხურება, რათა სამართალდამცველებმა საგამოძიებო მოქმედებების ჩატარება შეძლონ.
