მოსახლეობის 64% მიიჩნევს, რომ ქართული ოცნება საკმარისს არ აკეთებს ევროკომისიის მოთხოვნების შესასრულებლად - კვლევა Edison Research-მა ფორმულას დაკვეთით ჩაატარა.
ფორმულას ცნობით, კვლევის ფარგლებში პირისპირი გამოკითხვის მეთოდით ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 500 საარჩევნო უფლების მქონე 18 წლისა და მეტი ასაკის ადამიანი (ოკუპირებული ტერიტორიების გარდა).
ცდომილება არის +/- 3%. საველე სამუშაოები მიმდინარეობდა 25 მაისი-14 ივნისის პერიოდში.
