საქართველოს მთავრობის ადმინისტრაციის ინფორმაციით, პრემიერმინისტრი, ირაკლი ღარიბაშვილი თურქეთში გაემგზავრა, რათა რეჯეფ თაიფ ერდოღანის ინაუგურაციას დაესწროს.
"საქართველოს პრემიერ-მინისტრი ირაკლი ღარიბაშვილი თურქეთის რესპუბლიკაში გაემგზავრა. მთავრობის მეთაური ანკარაში თურქეთის რესპუბლიკის არჩეული პრეზიდენტის, რეჯეფ თაიფ ერდოღანის ინაუგურაციას დაესწრება". - წერია განცხადებაში.
29 მაისს, რეჯეფ თაიფ ერდოღანმა საპრეზიდენტო არჩევნებში მესამე ვადით გამარჯვების შესახებ გამოაცხადა. "ერთადერთი გამარჯვებული თურქეთია". – თქვა ერდოღანმა.
საქართველოს პრემიერმა ერდოღანს "დამაჯერებელი გამარჯვება" 28 მაისს მიულოცა - ამ დროს ხმების 75.42% იყო დათვლილი.
თურქეთში საყოველთაო არჩევნების პირველი ტური 14 მაისს ჩატარდა. საპრეზიდენტო არჩევნებში ვერცერთმა მიაღწია 50%-ს, რის გამოც მეორე ტური დაინიშნა. ამას გარდა, საპარლამენტო არჩევნებში 14 მაისს ერდოღანის პარტია ლიდერობდა.
