24 მაისს, ბრიუსელში NATO-ს გენერალურ მდივანთან, იენს სტოლტენბერგთან გამართულ პრესკონფერენციაზე ლატვიის პრემიერმინისტრმა, კრისიანის კარინსმა თქვა, რომ ომის დასრულების შემდეგ უკრაინის NATO-ში გაწევრიანებას სავალდებულოდ მიიჩნევს, რადგან წინააღმდეგ შემთხვევაში ევროპაში მშვიდობისა და უსაფრთხოების გარანტია ვერ იქნება.
ლატვიის პრემიერმინისტრმა უკრაინის სამხედრო დახმარების აუცილებლობაზეც ისაუბრა.
"[უნდა დავეხმაროთ] ყველაფრით რაც საჭიროა, სანამ ის საბოლოოდ არ მოიგებს ომს სრულიად გაუმართლებელი აგრესიის წინააღმდეგ, რომელსაც რუსეთი სუვერენული ქვეყნის წინააღმდეგ ახორციელებს [...]
სრულიად ნათელია, რომ ომის ბოლოს, იმისთვის, რომ ევროპაში მშვიდობა და უსაფრთხოება რეალობად იქცეს, უკრაინა NATO-ს წევრი ქვეყანა უნდა იყოს." - თქვა კარინსმა.
