წილოსანი: მიხეილ სააკაშვილის რეპრესიები 37 წლის საბჭოთა რეპრესიებს ედრება

მიხეილ სააკაშვილი იმ მახინჯი მიდგომის პროდუქტია, როდესაც რაღაც მოცემულობას დირექტიულად მოგაწვდიან და შენ თვალდახუჭული უნდა მიჰყვე და პროტესტიც კი არ გამოაცხადო. ის მთელი თავისი მმართველობის დროს, ასე ცდილობდა, თვალდახუჭული აგვეტანა ყველა ის უფლებების დარღვევა და დემოკრატიის ნგრევა, რასაც აკეთებდა. ვინც კი ამ ყველაფერს გააპროტესტებდა, რეპრესიები გარანტირებული ჰქონდა. თუ ვინმე საქართველოს ბოლო ასწლეულის ისტორიას იცნობს, ალბათ, დამეთანხმებით, რომ სააკაშვილის რეპრესიები 37 წლის საბჭოთა რეპრესიებს ედრება. ისევე, როგორც მახინჯი იყო საბჭოთა მმართველობა და მათი ყველა სისტემა, რაც მოიგონეს, ფიქცია იყო, ასევე, მახინჯი და ფიქცია იყო სააკაშვილის ვითომ დემოკრატია და მისთვის ადამიანის უფლებები.