უკრაინის საგარეო საქმეთა მინისტრის, დმიტრო კულებას თქმით, იგი აშშ-ს სახელმწიფო მდივანს, ენტონი ბლინკენს ესაუბრა, რომელმაც პენტაგონის საიდუმლო დოკუმენტების გაჟონვის შემდეგ, უკრაინის მიმართ აშშ-ს ურყევი მხარდაჭერა კიდევ ერთხელ გამოხატა.
"ბლინკენმა კიდევ ერთხელ დაადასტურა აშშ-ს მტკიცე მხარდაჭერა და კატეგორიულად უარყო უკრაინის გამარჯვებასა და ბრძოლის ველზე მის შესაძლებლობებში ეჭვის შეტანის ყოველგვარი მცდელობა. აშშ უკრაინის სანდო პარტნიორად რჩება". - წერს კულება Twitter-ზე.
კომენტარი გავრცელდა მას შემდეგ, რაც მედიაში აშშ-ს დაზვერვის დოკუმენტებმა გაჟონა. CNN წერს, რომ ზოგიერთ დოკუმენტში აღწერილია უკრაინის მთავარი სისუსტეები შეიარაღებაში, საჰაერო თავდაცვაში, ბატალიონების ზომებსა და რუსეთის წინააღმდეგ კონტრშეტევის წინ ძალების მობილიზებაში.