შინაგან საქმეთა სამინისტროს ცნობით, სასტუმრო ამბასადორში ხანძარი ლიკვიდირებულია.
"ამ დროისთვის, ხანძარი სრულად ლიკვიდირებულია. ადგილზე მობილიზებული იყო 16 სახანძრო ეკიპაჟი, მეხანძრე-მაშველების სწრაფმა და ოპერატიულმა მოქმედებამ მოგვცა საშუალება, რომ დროულად მომხდარიყო ხანძრის ლოკალიზება და შემდეგ უკვე - ლიკვიდაცია. იყო ცეცხლის გვერდზე მდგომ შენობებზე გადასვლის საფრთხე, რაც მეხანძრე-მაშველებმა აღკვეთეს". - ავრცელებს უწყება საგანგებო სიტუაციების მართვის სამსახურის უფროსის, თეიმურაზ მღებრიშვილის განცხადებას.
მომხდარ ფაქტზე გამოძიება საქართველოს სისხლის სამართლის კოდექსის 187-ე მუხლით დაიწყო.
სასტუმრო ამბასადორის ცნობით, ხანძარს მსხვერპლი არ მოჰყოლია. მათივე ინფორმაციით, ცეცხლი დაახლოებით 18:10 საათზე შენობის ერთ-ერთ ფლიგელში გაჩნდა.
