მოლდოვური მედიის ცნობით, ავიაკომპანია Wizz Air-ი 14 მარტიდან მოლდოვის მიმართულებით რეისებს აუქმებს.
მედიის ინფორმაციით, 27 თებერვალს გავრცელდა Wizz Air-ის ოფიციალური განცხადება, რომლის მიხედვითაც უსაფრთხოების მიზნით, კომპანია კიშინიოვიდან ფრენებს აჩერებს.
"მგზავრებისა და ეკიპაჟის უსაფრთხოება Wizz Air-თვის უპირველესი პრიორიტეტია. მოლდოვაში ბოლო პერიოდში მიმდინარე მოვლენებიდან გამომდინარე, მოლდოვის საჰაერო სივრცე მაღალი, თუმცა არა გარდაუვალი რისკის ქვეშ იმყოფება. ამის გამო Wizz Air-მა მიიღო რთული და საპასუხისმგებლო გადაწყვეტილება, 14 მარტიდან გაეუქმებინა ყველა ფრენა კიშინიოვის მიმართულებით". - ნათქვამია განცხადებაში.
Wizz Air-ის ცნობით, კიშინიოვის ნაცვლად დაინიშნება დამატებითი რეისები რუმინეთის ქალაქ იასის მიმართულებით.