ღარიბაშვილი: ერდოღანს ამ მძიმე დროს თურქეთისადმი საქართველოს სოლიდარობა დავუდასტურე

დღეს შევხვდი თურქეთის რესპუბლიკის პრეზიდენტს, რეჯეფ თაიფ ერდოღანს და ამ მძიმე დროს, თურქეთის რესპუბლიკისა და თურქი ხალხისადმი საქართველოს სოლიდარობა და ძლიერი მხარდაჭერა დავუდასტურე. საქართველო შემდგომი დახმარების უზრუნველსაყოფად მზად არის. ვრჩებით ქართულ-თურქული სტრატეგიული პარტნიორობის ერთგულნი, ყველა იმ სარგებლის გათვალისწინებით, რაც ამ პარტნიორობას ჩვენი ქვეყნებისა და რეგიონისთვის მოაქვს.

წერს ტვიტერზე საქართველოს პრემიერმინისტრი, ირაკლი ღარიბაშვილი, რომელიც დელეგაციასთან ერთად დღეს თურქეთში გაემგზავრა.

6 თებერვალს თურქეთსა და სირიაში მომხდარ მიწისძვრას 46 000-ზე მეტი ადამიანი ემსხვერპლა. თურქეთში დაახლოებით 345 000 ბინა განადგურდა და ბევრი ადამიანი ჯერ კიდევ დაკარგულად ითვლება. არც თურქეთსა და არც სირიას მიწისძვრის შედეგად დაკარგულთა რაოდენობა არ დაუკონკრეტებია.