კობახიძე გახარიაზე: მას და ენმ-ს ერთი პატრონი ჰყავთ – შედეგი იყო, რაც 20 ივნისს გააკეთა

გიორგი გახარია საინტერესო არ არის, უბრალოდ მართლა საცოდავი კაცია და ასე რომ ვთქვათ, კომენტარის ღირსიც კი არ არის. ის პოლიტიკურად აბსოლუტურად უინტერესოა. რეიტინგი 1%-იც აღარ აქვს [...] მაშინ [2021 წელს ] გიორგი გახარია არჩევნებში მონაწილეობდა და ის გამოიყენებოდა, როგორც ერთ-ერთი ინსტრუმენტი იმისთვის, რომ ნაციონალური მოძრაობა ხელისუფლებაში დაბრუნებულიყო. ის მოაზრებული იყო, როგორც ერთ-ერთი ინსტრუმენტი, რომ ქართულ ოცნებას ე.წ. 43%-იანი ბარიერი ვერ გადაელახა. მაშინ ის, რა თქმა უნდა, აქტუალური იყო. მაშინ ის კოკაინს მოიხმარდა და ეს ფაქტორი ჩვენ ძალიან კარგად გამოვიყენეთ, მათ შორის, იმისთვის, რომ მისი რეალური სახე გვეჩვენებინა. მაშინ ფაქტორი იყო და დღეს საერთოდ აღარ არის. ამ კაცზე ლაპარაკი არ ღირს. რაც შეეხება გიორგი გახარიასა და ნაციონალურ მოძრაობას, მათ ერთი პატრონი ჰყავთ. ამას ვამბობდით და შეგვიშლია, კიდევ ერთხელ გავიმეოროთ. და ამ ყველაფრის შედეგი იყო ის, რაც მან გააკეთა, მათ შორის, 20 ივნისს და რასაც 2021 წელს აკეთებდა. წელს უბრალოდ აქტუალურობა დაკარგა.