კანადის თავდაცვის მინისტრის, ანიტა ანანდის თქმით, Leopard 2-ის ტიპის საბრძოლო ტანკები კანადამ უკრაინაში უკვე გაგზავნა.
"კანადა უკრაინელი ხალხის გვერდით დგას და ჩვენ უკრაინის შეიარაღებული ძალების იმ აღჭურვილობით მომარაგებას გავაგრძელებთ, რომელიც მათ გამარჯვებისთვის სჭირდებათ". - წერს ანანდი.
უკრაინის საგარეო საქმეთა მინისტრის, დმიტრო კულებას თქმით, კიევი 12 მოკავშირისგან დახმარების პირველი ტალღით 120-დან 140-მდე ტანკს ელოდება.
დასავლეთის ქვეყნებმა პირობა დადეს, რომ უკრაინას თანამედროვე წარმოების საბრძოლო ტანკებს გადასცემენ მას შემდეგ, რაც გერმანია უკრაინისთვის Leopard-2-ის ტანკების მიწოდებას დათანხმდა, ხოლო ბაიდენმა მიმართვისას აღნიშნა, რომ კიევი აშშ-სგან Abrams-ის ტიპის ტანკებს მიიღებს.
გარდა ამისა, პოლონეთმა და ფინეთმა უკვე საჯაროდ განაცხადეს, რომ უკრაინას თავიანთ Leopard-2-ის ტანკებს მიაწვდიან. ესპანეთმა, ნიდერლანდებმა და დანიამ კი გერმანული წარმოების ტანკების გადაცემაზე მზაობა გამოთქვეს.