16 იანვარს, გამთენიისას რუსებმა ზაპოროჟიე დაბომბეს, რის შედეგადაც რამდენიმე ადამიანი დაშავდა და ინფრასტრუქტურული ობიექტები განადგურდა. ამის შესახებ ზაპორიჟიეს საკრებულოს მდივანმა, ანატოლი კურტიევმა Telegram-ზე დაწერა.
"სამი ადამიანი გადაიყვანეს საავადმყოფოში. მათ შორის არის ორი, 9 და 15 წლის ბავშვი", - წერს საკრებულოს მდივანი. მისი თქმით, ყველა დაზარალებულს სასწრაფო სამედიცინო დახმარება უტარდება.
მანამდე, 14 იანვარს რუსულმა ძალებმა დნიპრო დაბომბეს, თავდასხმის შედეგად მთლიანად ჩამოინგრა კორპუსის ერთი ნაწილი. რუსეთმა Х-22 ტიპის რაკეტა გამოიყენეს.
დაღუპულთა რიცხვი 20-მდე გაიზრდა, მათ შორის ერთი ბავშვია. თავდასხმის შედეგად 73 ადამიანი, მათ შორის 14 ბავშვი დაშავდა.
