რუსეთის უშიშროების საბჭოს თავმჯდომარის მოადგილე და პარტია ერთიანი რუსეთის თავმჯდომარე დმიტრი მედვედევი საკუთარ ტელეგრამ-არხზე ევროკავშირის მიერ რუსეთისთვის გაზზე ფასის ზედა ზღვრის დაწესებას ეხმაურება.
მედვედევი ამ სანქციას "სისულელეს" უწოდებს.
"გაზის ფასზე ზედა ზღვრის გადაწყვეტილება სისულელეა ორი მიზეზით. პირველ რიგში, როგორც ნავთობის შემთხვევაში, ის ნაკარნახებია არა ეკონომიკური ლოგიკით, არამედ რუსეთის ზოოლოგიური ზიზღით, რომელიც გამომდინარეობს მანიაკალური თეზისიდან, რომ "ყველაფერში რუსეთია დამნაშავე". ანუ ეს არის აბსოლუტურად მოხალისეობრივი არასაბაზრო ზომა. უფრო მეტიც, ის მიღებულია მრავალი დათქმით, რომლებიც მისი გამოყენების ბლიკირების საშუალებას იძლევა. ამიტომ, ეს სერიოზულად ვერ იმუშავებს.
მეორეც, ის მიღებულია ევროკავშირის უძლურებით, რომ სიტუაციაზე გავლენა იქონიოს. მხოლოდ პრინციპულად, "რამე მაინც გავაკეთოთ". სწორედ ამიტომ დაწესდა ლიმიტი ამ დონეზე, რომელიც ჯერ კიდევ რამდენიმე წლის წინ გაზის ბაზარზე აბსოლუტურად ყველა მონაწილეს, მათ შორის ადგილზე მოვაჭრეებს, გასაოცარი მოეჩვენებოდა. კილოვატ საათში 180 ევროს (დაახლოებით 2000 აშშ დოლარი 1000 კუბურ მეტრზე) TTF-ს ფიუჩერსების ბირჟაზე ხომ ვერცერთი მოვაჭრე წარმოიდგენდა, ყველაზე ბედნიერ სიზმარშიც კი. ეს ნიშნავს, რომ გაზის ფასები ევროპელი მომხმარებლებისთვის მაღალ დონეზე დარჩება". – წერს მედვედევი.
19 დეკემბერს ევროპული კომისია შეთანხმდა, რომ 2023 წლის 15 თებერვლიდან რუსულ გაზზე ფასის ზედა ზღვარს დააწესებენ, რაც მეგავატ საათში €180 იქნება.
