ხერხეულიძე: როგორც რუსეთს ეგონა, 3 დღეში კიევს აიღებდა, ასე ეგონათ ენმ-ში არჩევნებზეც

მე ვერ წარმომიდგენია, ვინც დღეს მიხეილ სააკაშვილს შეხედა, იმან როგორ უნდა აწარმოოს არჩევნები და როგორ უნდა ვაწარმოოთ კამპანია, მე უბრალოდ ეს არ ვიცი. ვინმეს თუ ზებუნებრივი ძალები აქვს, რომ ამ ყველაფერსაც გაუძლოს და არჩევნების კამპანიისთვისაც იზრუნოს, ეს ჩემს ძალებს აღემატება. მაგრამ უნდა ითქვას აქვე, რომ ამ იდეის ავტორებს არ ეგონათ, რომ ასე შორს გადაიწევდა არჩევნების თარიღი, რომ თავისი პროცედურები დასჭირდებოდა და ა.შ. როგორც რუსეთს ეგონა რომ სამ დღეში კიევს აიღებდა, ასე ეგონათ, რომ ერთ კვირაში დასრულდებოდა არჩევნები ნაციონალურ მოძრაობაში და ეს იყო მცდარი შეხედულება, რა თქმა უნდა.