სტატისტიკის ეროვნული სამსახური აქვეყნებს გამყვანი ტურიზმის სტატისტიკას, რომლის მიხედვით, 2022 წლის მესამე კვარტალში საქართველოდან 693.4 ათასი გასვლა აღირიცხა. მაჩვენებელი წინა წლის შესაბამისი პერიოდის მონაცემს 3.9-ჯერ აღემატება.
ამ მაჩვენებლიდან საქართველოს რეზიდენტი ვიზიტორების საზღვარგარეთ ვიზიტების რაოდენობამ 531.8 ათასი შეადგინა.
საქართველოს რეზიდენტი ვიზიტორების განაწილება მონახულებული ქვეყნების მიხედვით ასეთია:
- თურქეთი - 57.9%;
- რუსეთის ფედერაცია - 14.6%;
- სხვა ქვეყნები - 11.5%;
- ევროკავშირის წევრი ქვეყნები - 8.8%;
- სომხეთი - 6.2%;
- აზერბაიჯანი - 1.0%.
საზღვარგარეთ ვიზიტებისას გათეული ღამეების საშუალო რაოდენობა 6.3-ს შეადგენდა.
ვიზიტების კატეგორიზაცია მიზნის მიხედვით ასეთია:
- საყიდლები - 43.7%;
- მეგობრების/ნათესავების მონახულება- 21.7%;
- პროფესიული/ეკონომიკური საქმიანობა - 15.5%;
- დასვენება, გართობა, რეკრეაცია - 14.4%;
- მკურნალობა, გაჯანსაღება - 2.3%;
- სხვა - 2.3%.
2022 წლის მესამე კვარტალში განხორციელებული ვიზიტებისას ჯამურმა ხარჯმა 539.4 მილიონი ლარი შეადგინა. საშუალოდ, ვიზიტისას 1014.1 ლარი იხარჯებოდა. აქედან საყიდლებზე 231 მლნ ლარი (მთლიანი ხარჯის 42.8%) დაიხარჯა.
