საქართველოს საგარეო საქმეთა მინისტრი, ილია დარჩიაშვილი ადასტურებს, რომ საქართველოს პრემიერმინისტრსა და ევროპული საბჭოს პრეზიდენტს, შარლ მიშელს შორუს არაფორმალური შეხვედრა შედგა.
"მინდა, დაგიდასტუროთ, რომ არაფორმალურ გარემოში შედგა სამუშაო შეხვედრა პრემიერ-მინისტრსა და ევროპული საბჭოს პრეზიდენტ შარლ მიშელს შორის. ეს იყო ძალიან საინტერესო და მრავალმხრივი შეხვედრა. აქაც აქცენტები გაკეთდა ჩვენი ქვეყნის ევროპულ ინტეგრაციაზე, რეფორმების განხორციელების დინამიკაზე და 12-პუნქტიანი რეკომენდაციების შესრულებაზე". – თქვა დარჩიაშვილმა.
საქართველოს პრემიერმინისტრი ირაკლი ღარიბაშვილი პრაღაში, ევროპული პოლიტიკური გაერთიანების პირველ სამიტზე იმყოფება.
სამიტის ფარგლებში საქართველოს პრემიერი შეხვდა ევროკომისიის პრეზიდენტს, ურსულა ფონ დერ ლაიენსაც.
