სვანეთში, თეთნულდზე დაკარგული სამი ტურისტი გარდაცვლილი იპოვეს. ინფორმაციას სვანეთის სათემო რადიო ავრცელებს.
დაკარგულების შესახებ ინფორმაცია ერთ-ერთის მეუღლემ დღეს გაავრცელა. მისი ცნობით მთამსვლელები 6 დღეა, რაც კონტაქტზე არ გამოსულან.
"სამძებრო სამაშველო სამუშაობში ჩართული იყვნენ ადგილობრივი სამაშველო ჯგუფი და კერძო სამაშველო ვერტმფრენი, რადგან სახელმწიფოს ასეთი ტიპის ერთი ვერტმფრენიც კი არ ჰყავს. დაახლოებით 15 წუთია, რაც სამივე მთამსვლელი გარდაცვლილი იპოვეს".- აღნიშნულია ინფორმაციაში.
ამჟამად გადმოსვენების სამუშაოები მიმდინარეობს. მთამსვლელები ლიეტუვის მოქალაქეები არიან.
