ამ პუტინისტურ-კოლაბორაციონისტული რეჟიმის პირობებში ზიანი უკვე მოტანილია. ყოველგვარი რაციონალური ფილტრის გარეშე, მტრული სახელმწიფოს დიდი რაოდენობით მოქალაქე შემოვიდა, რაც ჩვენს მტერ სახელმწიფოს ისედაც არსებულ შესაძლებლობებს უფართოვებს, რომ მომავლისთვის აქ კიდევ უფრო ღრმა ქსელი ჰქონდეს. ეს უკვე დიდი პრობლემაა. პუტინის რუსეთი ახლა ისეთ მდგომარეობაშია, შესაძლოა მათ თვითონ ჩაკეტონ საზღვარი. ამიტომ, ჩვენ, როგორც აქამდე, ახლაც ამ რეჟიმის შეცვლაზე უნდა ვფოკუსირდეთ. იმიტომ, რომ პუტინისტური რეჟიმის შეცვლა ნებისმიერი ეფექტური პოლიტიკის გატარების წინაპირობაა. აქ მთავარი ფოკუსი სავიზო რეჟიმი კი არ არის, სავიზო რეჟიმის გარეშეც შეგიძლია, რომ ფილტრი დააყენო და აღარ შემოუშვა, ან ეს ფილტრი შენი ქვეყნისთვის ეფექტურად გამოიყენო. ჩვენ კი დღემდე ვხედავდით, რომ ამ შესაძლებლობას ხშირად პუტინის მტრებს უზღუდავდნენ. ხოლო ყველა სხვა შემთხვევაში ვიცით, რომ ფილტრი ან არ არსებობდა, ან პირიქით, შემოშვებასთან დაკავშირებით, ჩვენი ქვეყნისთვის მტრული კრიტერიუმებით მიღებული გადაწყვეტილებები იყო.
რუსი ტურისტები საქართველოში
ბოკერია რუსების შემოსვლაზე: მტერს შესაძლებლობებს უფართოვებს, რომ უფრო ღრმა ქსელი ჰქონდეს
tbl.ge/6500
დაკოპირდა
თქვა ევროპული საქართველოს თავმჯდომარემ, გიგა ბოკერიამ. ვლადიმირ პუტინის მიერ რუსეთში ნაწილობრივი მობილიზაციის გამოცხადების შემდეგ, საქართველო-რუსეთის საზღვართან, ლარსის გამშვებ პუნქტთან რუსეთის მოქალაქეების დიდი რიგები შეინიშნება.
ამავე თემაზე
- ზარქუა: საქართველო ისეთი მაგარი და ლამაზია, რომ დიდი ხანია, რუსეთიდან რიგები დგას
- კობახიძე: იმის აუცილებლობა არ არსებობს, რომ რუსეთთან სავიზო რეჟიმს გადავხედოთ
- კალაძე: ტურისტების შემოდინებას მივესალმებით, ვერანაირ პრობლემას ვერ ვხედავ
- ივლისში საქართველოს საზღვარი 156 737-მა რუსეთის მოქალაქემ გადმოკვეთა – სტატისტიკა
- პაპუაშვილი რუს ტურისტებზე: სირცხვილია, როდესაც ადამიანებს ეთნიკური ნიშნით გამოარჩევ