ქაბულში, რუსეთის საელჩოსთან მომხდარ აფეთქებაზე პასუხისმგებლობა ისლამურმა სახელმწიფომ აიღო.
ჯგუფმა 5 სექტემბერს ტელეგრამით დაწერა, რომ მისმა წევრმა ქაბულში "თვითმკვლელის ჟილეტი ააფეთქა თავშეყრაზე, რომელსაც რუსი თანამშრომლები ესწრებოდნენ".
თავდასხმას ასევე ემსხვერპლა ოთხი ავღანელი, რომლებიც საკონსულოს მომსახურებას ელოდნენ, დაიჭრა კიდევ 10-ზე მეტი პირი - უთხრა ქაბულის პოლიციის პრესმდივანმა, ხალიდ ზადრანმა რადიო თავისუფლების ავღანურ სამსახურს.
რუსეთი ერთ-ერთია იმ რამდენიმე ქვეყანას შორის, რომლებმაც ქაბულში მოქმედი საელჩო დატოვეს, ქვეყნის სათავეში 2021 წლის აგვისტოში თალიბანის მოსვლის შემდეგ.
