საქართველოს დღეს ყველაზე პატრიოტი ხელისუფლება ჰყავს. პატრიოტი ხელისუფლება ნიშნავს მთავრობას, რომელიც ქვეყნის უსაფრთხოებაზე ზრუნავს. მგონი, ჩვენ ყველა ვხედავთ, რომ 2012 წლიდან მოყოლებული, ამ ქვეყნის უსაფრთხოება, სხვადასხვა რეგიონული თუ სხვა სირთულეებიდან გამომდინარე, მათ შორის, მიმდინარე სირთულეებიდან გამომდინარეც, არის გარანტირებული და დაცული. ეს არის პასუხი ამასთან დაკავშირებით ყველანაირი ბრალდებაზე. პასუხი არის იმ შედეგში, რომელსაც ქართული ოცნება საკუთარ მოსახლეობას აჩვენებს. შედეგი არის ის, რომ ამ ქვეყანაში 10 წელზე მეტია უსაფრთხოება და მშვიდობა უზრუნველყოფილია და ომი არ ყოფილა. ქართული ოცნება არის ის პოლიტიკური ძალა, რომელმაც ყველაზე დიდ პროგრესს მიაღწია დასავლური ინტეგრაციის კუთხით. სწორედ ჩვენ დროს გაფორმდა ასოცირების ხელშეკრულება და მივაღწიეთ ვიზალიბერალიზაციას. ახლა კი უკვე დღის წესრიგში კანდიდატის სტატუსი დგას.
ქართული ოცნება
პაპუაშვილი: საქართველოს დღეს ყველაზე პატრიოტი ხელისუფლება ჰყავს
