ისრაელი ღაზას სექტორში გამწვავებული ვითარების ფონზე 25 ათასი რეზერვისტის მობილიზაციას აცხადებს. შესაბამისი ბრძანება ისრაელის თავდაცვის მინისტრმა, ბენ განცმა გამოსცა. ამასთან დაკავშირებით ინფორმაციას The Jerusalem Post ავრცელებს.
“ამ ოპერაციის მიზანია ისრაელის მოქალაქეებისა და ღაზას სექტორის მიმდებარედ მცხოვრები მშვიდობიანი მოსახლეობის წინააღმდეგ არსებული საფრთხის განეიტრალება”. - თქვა ისრაელის პრემიერმინისტრმა, იაირ ლაპიდმა.
ისრაელის თავდაცვის ძალები ადასტურებენ, რომ დაიწყეს საჰაერო თავდასხმების ახალი ტალღა ისლამური ჯიჰადის საწარმო ობიექტებსა და საწყობებზე.
ისრაელის თავდაცვის ძალების ცნობით, ღაზას სექტორში ისლამური ჯიჰადის სარაკეტო გამშვები პოზიცია დაარტყეს და გაანადგურეს ობიექტი, საიდანაც ისრაელის მიმართულებით დღეს 10-მდე რაკეტა გაისროლეს.
მანამდე, ისრაელის თავდაცვის ძალების ცნობით, ისლამურმა ჯიჰადმა სამხრეთ და ცენტრალური ისრაელის მიმართულებით რამდენიმე ათეული რაკეტა გაისროლეს.
დღეს, 5 აგვისტოს ისრაელის თავდაცვის ძალებმა განაცხადეს, ისლამური ჯიჰადის საფრთხის გამო ღაზას სექტორის დაბომბვას იწყებდნენ. შეტაკებისას დაიღუპა ისლამური ჯაჰადის ერთ-ერთი ლიდერი.
საჰაერო თავდასხმა ისრაელსა და ღაზას საზღვარზე დაძაბულობის ფონზე მოხდა: ისრაელის სამხედროებმა 2 აგვისტოს ისლამური ჯიჰადის ერთ-ერთი მმართველი, ბასამ ალ-საადი ქალაქ ჯენინში, ოკუპირებული დასავლეთ სანაპიროს ჩრდილოეთ ნაწილში დააკავეს. დაკავების გამო შურისძიებით ისლამური ჯიჰადი საჯაროდ დაიმუქრა. ისრაელის ოფიციალურმა პირების ცნობით,მათ ჰქონდათ სადაზვერვო ინფორმაცია, რომ ჯგუფი გეგმავდა ტანკსაწინააღმდეგო რაკეტებით სამხედრო და სამოქალაქო მანქანებზე თავდასხმას.
