ვერ მოითმინა ქალბატონმა ვიოლამ და დაიწყო ისევ იმ ტესტით საუბარი, რა ტექსტითაც სწორედ ეს რადიკალური ოპოზიცია, ომის პარტია ლაპარაკობს: კრემლი, საბჭოთა კავშირი. როდესაც არის კრიტიკა ობიექტური, ჩვენ სწორედ ამ ობიექტური კრიტიკის მიმღებები ვართ. მაგრამ, როდესაც კრიტიკა ლობისტური ხასიათისაა და ემსახურება მათ შორის, ისეთი პოლიტიკური, რადიკალური მოძრაობების მხარდაჭერას, რომლის ნარატივი და მიზანია რევოლუციების მოწყობა და პოლიტიკური პარტიები, რომელსაც უამრავი კრიმინალი აქვს ჩადენილი, ასეთ შემთხვევაში, ასეთი პოლიტიკური პარტიების და მათი პოზიციის ლობირება, ჩვენგან ყოველთვის იქნება კრიტიკის საფუძველი.
ქართული ოცნების დეპუტატი, ირაკლი ქადაგიშვილი ევროპარლამენტარ ვიოლა ფონ კრამონზე. მანამდე, ონცების თავმჯდომარემ, ირაკლი კობახიძემ ფონ კრამონს "კრიმინალების მფარველი" უწოდა. ერთი დღით ადრე ვიცეპრემიერმა თეა წულუკიანმა თქვა, რომ "უცხოელების მცირე ჯგუფი", მათ შორის ევროპარლამენტარი ვიოლა ფონ კრამონი ცდილობს, საქართველოს მთავრობა "გადააყირავოს". წულუკიანის თქმით, ვიოლა ფონ კრამონი, იან კელი, "კოლექტიური ჟიგიმანტასები" და "კოლექტიური პედრო აგრამუნტები" არიან "უცხოელი ნაცები". მოგვიანებით, ევროპარლამენტარმა ვიოლა ფონ კრამონმა საკუთარ Twitter-ზე დაწერა, რომ "ენმ-სთან საიდუმლო გარიგებების დაბრალება მიზანმიმართული ტყუილია, რომელსაც არცერთი გონივრულად მოაზროვნე ადამიანი არ დაიჯერებს" და ეს "ქალბატონმა წულუკიანმა ყველაზე კარგად იცის". მისივე თქმით, ქართული ოცნების დეზინფორმაცია კრემლის დონეს აღწევს.
ამავე თემაზე
- ხაინდრავა: ამხანაგმა სალომემ ცკ-ში გვიჩივლა, მოითხოვა ევროს-სპეცნაზის გადმოსროლა
- ზარქუა მეთიუ მილერს: არ იუ ქიდინგ, მაი ფრენდ?
- ოდიშარია: გეუბნები, შენ არ მიგულისხმიხარ-თქო და მაინც საკუთარ თავზე იღებ – გიხარია?
- ზარქუა ოდიშარიაზე: კაცმა თქვა კუთხეში თავისთვის რაღაც, ვის არ შეგიგინიათ ოჯახში
- ბოჭორიშვილი ბოკუჩავას: შენ რომ აყენებ ადამიანებს შეურაცხყოფას, მაგაზე თუ იხდი ბოდიშს?