ერთიანი ნაციონალური მოძრაობა

მელია: არიან ადამიანები, ვისაც უსამართლო კრიტიკა ტრადიციად ექცათ, პოლიტიკური მოჭიდებისთვის

მე აბსოლუტურად ობიექტურად ვიღებ და სავსებით მისაღებია ჩემთვის, თუნდაც მიუღებელი და აბსოლუტურად უსაფუძვლო კრიტიკა. ვაცნობიერებ, რომ ვარ ნაციონალური მოძრაობის თავმჯდომარე, ჩვენ ვიცით, რომ პარტია არის ყველაზე მსხვილი ოპოზიციური პარტია, მომავალი სახელისუფლებო პარტია, რა წილი ექნება ხელისუფლებაში ნაციონალურ მოძრაობას ეს ხალხმა უნდა გადაწყვიტოს, მაგრამ რომ არიან ადამიანები, რომლებსაც უსამართლო კრიტიკა ტრადიციად ექცათ, მესმის კარგად, რადგან მათ სჭირდებათ სოციალური და პოლიტიკური მოჭიდება. ახლა, როდესაც მთელი საეთერო დრო, განსაკუთრებით კრიტიკულ ტელევიზიებში, დათმობილი აქვს ერთი და იგივე ადამიანებს და ძირითადი მათი ნარატივი მიმართულია ხელისუფლების მიმართ, შესაძლებელია თქვენ, ჟურნალისტებს მოგწყინდეთ ერთგვაროვანი სტუმრების მოწვევა და ამიტომ იწვევთ ადამიანებს, რომლებსაც აქტუალურობის შესაძენად სჭირდებათ, რომ ოპოზიციის შიგნით არარსებული უსაფუძვლო ბრალდებები ისროლონ.

უპასუხა ერთიანი ნაციონალური მოძრაობის თავმჯდომარემ, ნიკა მელიამ, ტელეკომპანია პირველის ეთერში წამყვანის შეკითხვას, რომ სააკაშვილის ოჯახის აქტიურობა ერთგვარი პროტესტია პარტიის მიმართ, თუ აუცილებლობა.

კომენტარები