რუსეთი სთავაზობს უკრაინას ისეთ რაღაცებს, როგორიც ბელარუსში ხდება. ანუ, უკრაინა უნდა გახდეს ისეთი, როგორიც ბელარუსი. გარკვეული ნიუანსებით. ის არ უნდა იყოს რუსეთზე თავდასხმის პლაცდარმი, პირველ რიგში. მას არ უნდა ჰქონდეს ბირვული იარაღი, არ უნდა უქმნიდეს რუსეთს საფრთხეს. უკრაინაში მცხოვრებ ხალხს ნებისმიერ ენაზე საუბარი უნდა შეეძლოთ... არავითარ შემთხვევაში არ უნდა აყვავდეს იქ ნაციზმი, რათა ის ფაშიზმში არ გადაიზარდოს, რომელიც წინა საუკუნის შუა წლებში გადავიტანეთ. რაა აქ ცუდი? თუმცა რუსეთი ახლა სთავაზობს უკრაინას მოლაპარაკებას. არ შეთანხმდება უკრაინა რუსეთთან? გავიმეორებ, მოაწერენ ხელს კაპიტულაციაზე. ახლა შესაძლოა ერთადერთი მომენტია, რომ უკრაინა შექმნილი ვითარებიდან ღირსეულად გამოვიდეს. თუ ეს მომენტი გაფლანგული იქნება, ალბათ ასეთი სიტუაცია მეტჯერ აღარ იქნება. ამიტომ უკრაინა ამ მომენტს უნდა ჩაეჭიდოს. ეს მომგებიანი იქნება უკრაინისთვისაც, რუსეთისთვისაც და ბელარუსისთვისაც.
tbl.ge/5x3m
დაკოპირდა
თქვა ბელარუსის პრეზიდენტმა, ალექსანდრ ლუკაშენკომ იაპონური მედია TBS-ისთვის მიცემულ ინტერვიუში რუსეთის მიერ უკრაინისთვის შეთავაზებულ შეთანხმებასთან დაკავშირებით.
ამავე თემაზე
- უკრაინა: მოვიგერიეთ მასიური საჰაერო იერიში, განადგურებულია 58 დრონი და 26 რაკეტა
- ლავროვმა ინტერვიუში აღნიშნა, რომ ზელენსკის "მშვიდობის ფორმულა" უაზრო და მიუღებელია
- ყირიმში რუსული ავიაგამანადგურებელი ჩამოვარდა, დაუდასტურებელი ცნობით, თავად ჩამოაგდეს [VIDEO]
- ზელენსკი: რუსეთი მაისში ან ივნისში შეტევისთვის ემზადება
- რუსეთი: ბელგოროდის დაბომბვის შედეგად დაშავებულია რუსეთის შსს-ს თანამშრომელი