საუდის არაბეთმა სიკვდილით 81 მამაკაცი დასაჯა, მათ შორის 7 იემენელი და 1 სირიელი იყო. ეს საუდის არაბეთში ათწლეულების განმავლობაში ყველაზე დიდი მასობრივი სიკვდილით დასჯაა.
"ეს პირები, სულ 81, ნასამართლევი იყვნენ სხვადასხვა დანაშაულისთვის, მათ შორის უდანაშაულო მამაკაცების, ქალებისა და ბავშვების მკვლელობისთვის". - ვკითხულობთ განცხადებაში.
სიკვდილით დასჯილთა ნაწილს ბრალი ედობოდა უცხოური ტერორისტული ორგანიზაციებისადმი - ალქაიდა, ჰუსიტები და ISIS, - ერთგულების აღთქმაში.
საერთაშორისო ორგანიზაციები აკრიტიკებენ საუდის არაბეთის ადამიანის უფლებათა დარღვევას. თავად საუდის არაბეთი უარყოფს ბრალდებებს და აღნიშნავს, რომ იცავს თავის ეროვნულ უსაფრთხოებას კანონის განხორციელებით.
