2021 წლის ნობელის პრემია მშვიდობის დარგში ჟურნალისტებს მარია რესას და დმიტრი მურატოვს გადაეცათ.
"მარია რესას და დმიტრი მურატოვს სიტყვის თავისუფლების, როგორც დემოკრატიული სამყაროს არსებობის ერთ-ერთი მთავარი ფაქტორის, დაცვაში შეტანილი წვლილისთვის ნობელის პრემია გადაეცემათ". – წერია ნობელის პრემიის გამცემი კომიტეტის განცხადებაში.
მარია რესა ფილიპინელი ჟურნალისტი, მწერალი და ნიუს სააგენტო Rapller-ის ხელმძღვანელია. ის ოცი წლის განმავლობაში გამოცემა CNN-ის კორესპონდენტი იყო სამხრეთ აზიის რეგიონში. 2018 წელს გამოცემა Time-მა ის ფეიკ ნიუსებთან მებრძოლ საუკეთესო ჟურნალისტად დაასახელა.
დმიტრი მურატოვი რუსი ჟურნალისტი, რედაქტორი და ტელეწამყვანია. 1995 წლიდან 2017 წლამდე ხელმძღვანელობდა გამოცემა Новая газета-ს. 2004 წლიდან არის დემოკრატიული პარტიის Яблоко-ს წევრი. 2014 წელს აქტიურად აპროტესტებდა რუსეთის შესვლას ყირიმში, 2020 წელს მხარს უჭერდა ბელარუსში მიმდინარე საპროტესტო აქციებს.