2 ოქტომბერს, 20:00 საათზე მთელი ქვეყნის მასშტაბით საარჩევნო უბნები დაიხურა და ხმის მიცემა ოფიციალურად შეწყდა. ცენტრალურ საარჩევნო კომისიას აქედან 9 საათი დასჭირდა იმისათვის, რომ პირველადი შედეგები გამოექვეყნებინა.
არჩევნებზე აქტივობამ 51.92% შეადგინა, რაც ადგილობრივი თვითმმართველობის არჩევნებისთვის მაღალი შედეგია, ხოლო რეფერენდუმისთვის კი – დაბალი.
19:00 საათის მონაცემებით, საქართველოს მასშტაბით უბნების 99.97%-ია დათვლილი, სადაც ქართულ ოცნებას 46.68% აქვს, ერთიან ნაციონალურ მოძრაობას 30.7% და გიორგი გახარიას პარტიას საქართველოსთვის 7.8%.
ცესკოს პირველადი მონაცემების მიხედვით, 5 თვითმმართველ ქალაქში – თბილისში, ბათუმში, ქუთაისში, ფოთსა და რუსთავში – მეორე ტურები გაიმართება. მათგან ორ ქალაქში – ბათუმში და ქუთაისში – პირველ ადგილზე ოპოზიციის, ერთიანი ნაციონალური მოძრაობის მერობის კანდიდატები არიან.
თვითმმართველი ქალაქების გარდა, მეორე ტურები გაიმართება, სავარაუდოდ, 15 თვითმმართველ თემში – აქედან 12-ში დადასტურებულად, 3-ში კი ხმების მინიმალური რაოდენობა დარჩა დასათვლელი.
ამათგან ერთ ოლქში მეორე ტურში გიორგი გახარიას პარტიის საქართველოსთვის კანდიდატი გადავიდა. კიდევ ერთ შემთხვევაში მე-2 ტურში დამოუკიდებელი კანდიდატი, ხოლო ერთშიც კი ქართული ოცნების ყოფილი დეპუტატი, თამაზ მეჭიაური გადავიდა, რომელიც კენჭს ახლა საკუთარი პარტიიდან იყრის.
ყველა სხვა შემთხვევაში მეორე ტურში ენმ-ს წარდგენილი კანდიდატები არიან, რომლებსაც 3 ოპოზიციური პარტია უჭერს მხარს. რამდენიმე შემთხვევაში ენმ-ს კანდიდატები პირველ ადგილს იკავებენ.
ამასთან, ამ თვითმმართველი თემებიდან 6-ში – ახმეტაში, რუსთავში, ქუთაისში, სენაკში, ზუგდიდსა და წალენჯიხაში – ამ დროისთვის არსებული მონაცემებით საკრებულოს პროპორციულ არჩევნებს ოპოზიცია იგებს.
გთავაზობთ იმ თვითმმართველ თემებს, სადაც სავარაუდოდ, მეორე ტურები გაიმართება.
მასალა ეტაპობრივად განახლდება.
ბაღდათი
დათვლილია უბნების 100%
კახა ენუქიძე (ქართული ოცნება) – 49.54%
გიორგი რობაქიძე (ენმ) – 35.88%
ზუგდიდი
დათვლილია უბნების 100%
ანზორ მელია – (ენმ) 46.88%
მამუკა წოწერია – (ქართული ოცნება) 41.15%
თელავი
დათვლილია 100%
ლევან ანდრიაშვილი (ქართული ოცნება) – 46.75%
გიორგი ბოტკოველი (ენმ) – 45.22%
თიანეთი
დათვლილია უბნების 100%
ლევან წიკლაური (ქარული ოცნება) – 43.19%
თამაზ მეჭიაური (ერთიანი საქართველოსთვის) – 30.09%
მარტვილი
დათვლილია უბნების 100%
თორნიკე ჯანაშია (ქართული ოცნება) – 43.77%
თეიმურაზ ჯანაშია (ენმ) – 36.30%
ოზურგეთი
დათვლილია უბნების 98.4%
ავთანდილ თალაკვაძე (ქართული ოცნება) – 43.75%
კონსტანტინე შარაშენიძე (დამოუკიდებელი) – 29.16%
სენაკი
დათვლილია უბნების 97.7%
კობა ნაყოფია (ენმ) – 42.35%
ვახტანგ გადელია (ქართული ოცნება) – 40.21%
ქარელი
დათვლილია უბნების 100%
ზაზა გულიაშვილი (ქართული ოცნება) – 45.77%
ნიკოლოზ ახალკაცი (ენმ) – 34.07%
ჩხოროწყუ
დათვლილია უბნების 100%
დათო გოგუა (ქართული ოცნება) – 43.29%
ბადრი ქარჩავა (ენმ) – 35.31%
ცაგერი
დათვლილია უბნების 100%
გიორგი ნემსაძე (ქართული ოცნება) – 49.34%
ბესარიონ ბენდელიანი (საქართველოსთვის) – 35.02%
წალენჯიხა
დათვლილია უბნების 100%
გიორგი ხარჩილავა (ენმ) – 39.67%
გოგა გულორდავა (ქართული ოცნება) – 38.24%
წყალტუბო
დათვლილია უბნების 98.6%
გენადი ბალანჩივაძე (ქართული ოცნება) – 48.58%
ზაზა მეტრეველი (ენმ) – 42.41%
ხაშური
დათვლილია 100%
თენგიზ ჩიტიაშვილი (ქართული ოცნება) – 43.77%
იოსებ ბუაძე (ენმ) – 34.63%
ხელვაჩაური
დათვლილია 100%
ზაზა დიასამიძე (ქართული ოცნება) – 43.68%
მიშა ბოლქვაძე (ენმ) – 39.60%
ხობი
დათვლილია 100%
დავით ბუკია (ქართული ოცნება) – 46.80%
ბესიკ შენგელია (ენმ) – 33.85%