კვლევითი ცენტრის IPSOS-ის ეგზიტპოლების მიხედვით, თბილისის მერის არჩევნებში მეორე ტური ჩაინიშნება.
ოპოზიციის საერთო მერობის კანდიდატი ნიკა მელია 40.8%-ს იღებს, ქართული ოცნების მერობის კანდიდატი, კახა კალაძე - 40.2%-ს, საქართველოსთვის კანდიდატი, გიორგი გახარია - 8.7%-ს. ხალხისთვის კანდიდატი ანა დოლიძე - 3,5%-ს, ლელოს კანდიდატი ანა ბიბილაშვილი კი - 2,6%-ს.
რაც შეეხება პარტიულ რეიტინგს, IPSOS-ის მიერ თბილისში ჩატარებული ეგზიტპოლის მიხედვით, ადგილობრივი თვითმმართველობის არჩევნებში ქართულმა ოცნებამ 38.5% მიიღო, ერთიანმა ნაციონალურმა მოძრაობამ - 33%, ხოლო გიორგი გახარიას პარტიამ საქართველოსთვის - 7.6%.
ტელეკომპანია მთავარის დაკვეთით ეგზიტპოლი ფრანგულმა კვლევითმა ცენტრმა IPSOS-მა ჩაატარა +/- 3% ცდომილებით.
არჩევნების შესახებ ყველა სიახლეს თვალი ადევნეთ ტაბულას საარჩევნო პორტალზე – არჩევნები 2021.