დროას ლიდერმა და ოპოზიციის ნაწილის საკრებულოს თავმჯდომარეობის კანდიდატმა, ელენე ხოშტარიამ ამომრჩეველს მოუწოდა, ყურადღება მიაქციონ რამდენიმე გარემოებას, რომ "ქართულ ოცნებას გაუჭირდეს არჩევნების გაყალბება".
- "გააკონტროლეთ, რომ რეგისტრატორთან ხელი მოაწეროთ ზუსტად თქვენი სახელის და გვარის გასწვრივ
- გააკონტროლეთ, რომ არ მოგცენ ოდნავ მაინც დაზიანებული ბიულეტენი, თუ ასეთს მოგცემენ, მოთხოვეთ ახალი და დაუზიანებელი
- გააკონტროლეთ, რომ ბიულეტენს ქონდეს რეგისტრატორის ხელმოწერა და ბეჭედი. ხშირად სპეციალურად აძლევენ ბეჭდის გარეშე, რომ მერე გააბათილონ
- სამაგიდო სია დაათვალიერეთ და ნახეთ, ხომ არ არის სადმე რამე ნიშანი, ან ჯვარი დასმული, ან წერტილი, ან "პტიჩკა". თუ რამეს შეამჩნევთ მიმართეთ დამკვირვებელს. ამას სპეციალურად ნიშნავენ ხოლმე კარუსელისთვის
- სასურველი ნომერი შემოხაზეთ მკაფიოდ და მეტი წარწერები არ დაიტანოთ
- კონვერტი კარგად დახურეთ, რომ ჩაგდებისას არ გადმოვარდეს ბიულეტენები". - ამის შესახებ ხოშტარიამ გამართულ ბრიფინგზე თქვა.
თვითმმართველობის არჩევნები საქართველოში 2 ოქტომბერს გაიმართება.