ჯაფარიძე მასალებზე: ავთენტურობის დადგენისთანავე უნდა გადადგეს სახელმწიფო მეთაური

დამოუკიდებელი მართლმსაჯულების პირობებში ეს [ე.წ. ფარული ჩანაწერების გავრცელება] უკვე კარგა ხნის გამოძიებული იქნებოდა, ამ ფაილების ავთენტურობის დადგენისთანავე უნდა გადადგეს სახელმწიფო უშიშროების სამსახურის უფროსი და მთავრობის ხელმძღვანელი. აშშ-ს პრეზიდენტი გადადგა, როცა დადგენილი იქნა უკანონო მოსმენები. როცა ეს ხორციელდება ქვეყანაში, ამაზე პასუხისმგებლობა უნდა აიღოს მთავრობის ხელმძღვანელმა, ესე ხდება დემოკრატიულ სახელმწიფოებში და რა თქმა უნდა, იმ კონკრეტული სამსახურის უფროსმა, რომლის მეშვეობითაც ხორციელდებოდა ეს უკანონო მიყურადება და მოსმენა.