2021 წლის ბიუჯეტის ხარჯები 1.1 მილიარდი ლარით, 19.5 მილიარდ ლარამდე იზრდება. ცვლილების შესახებ მთავრობის სხდომაზე ფინანსთა მინისტრმა, ლაშა ხუციშვილმა ისაუბრა.
ბიუჯეტის ცვლილება მთავრობის ეკონომიკური ზრდის პროგნოზის 7.7%-მდე ზრდას უკავშირდება.
გაზრდილი ბიუჯეტი შემდეგ სფეროებზე გადანაწილდება:
- 446 მილიონი ლარი – COVID-19-ის მართვა და ჯანდაცვა;
- 220 მილიონი ლარი – მუნიციპალური ინფრასტრუქტურა;
- 177 მილიონი ლარი – სოფლის მეურნეობის პროგრამები;
- 75 მილიონი ლარი – ბავშვთა სოციალური დახმარება;
- 55 მილიონი ლარი – ეკონომიკის ხელშეწყობა;
- 40 მილიონი ლარი – განათლების დაფინანსება;
- 35 მილიონი ლარი – დევნილთა განსახლების საკითხები;
- 30 მილიონი ლარი – სპორტის დაფინანსება;
- 30 მილიონი ლარი – თავდაცვის ბიუჯეტის ზრდა.
მინისტრის თქმით, ბიუჯეტის კორექტირებული პროექტი პარლამენტს 6 ივლისს წარედგინება.
