აშშ-ში, ალაბამაში მაგისტრალზე ერთმანეთს 18 მანქანა შეეჯახა. გარდაიცვალა 10 ადამიანი, მათ შორის 9 ბავშვია.
ავარია შტორმმა გამოიწვია, რომელიც ალაბამაში მძვინვარებს და ამის გამო გზები სველია.
გამოძიების ცნობით, გარდაცვლილი ბავშვების ასაკი 9 თვიდან 17 წლამდეა.
დაიღუპა 29 წლის მამა და მისი 9 თვის შვილი. ასევე, Tallapoosa County Girls Ranch-ის კუთვნილ ავტომობილში მყოფი 8 მგზავრი გარდაიცვალა. ეს რანჩო მიტოვებული, ძალადობის მსხვერპლი გოგონების თავშესაფარია. მათგან ყველაზე პატარა 4 წლის იყო.
ავარიის შედეგად კიდევ 5 ადამიანი დაშავდა, თუმცა მათ სიცოცხლეს საფრთხე არ ემუქრება.
ადგილობრივი პოლიცია თვითმხილველებს ვიდეო- და ფოტომასალის მიწოდებას და გამოძიებასთან თანამშრომლობას სთხოვს.
რამდენიმე დღეა, ალაბამა სტიქიას ებრძვის. ტორნადოსა და ქარიშხლის გამო ათობით სახლი განადგურდა.