ქართული სტარტაპი – Pulsar AI – ავტოინდუსტრიაში ციფრული გაყიდვების სისტემების გლობალურმა ლიდერმა კომპანიამ SpinCar- მა იყიდა. გარიგების თანხა ათეულობით მილიონი დოლარია.
ჯერჯერობით, ეს პირველი შემთხვევაა, როცა ქართული მაღალტექნოლოგიური სტარტაპი გლობალურ ბაზარზე წარმატებით გავიდა. ამავე გარიგების შედეგად მოხდება Pulsar AI-ის ტექნოლოგიების ინტეგრირება SpinCar-ის პლატფორმაზე და პულსარის ყველა დასაქმებული განაგრძობს ტექნოლოგიის განვითარებას გლობალური კომპანიის გუნდთან ერთად.
Pulsar AI-მა შექმნა დიალოგების ავტომატიზაციის ხელოვნურ ინტელექტზე დაფუძნებული ყველაზე მაღალი დონის პლატფორმა ავტომანქანის დილერებისთვის. ქართული სტარტაპის ავტომატური კომუნიკაციის გადაწყვეტილების ინტეგრირება SpinCar-ის ინდუსტრიის ციფრული გაყიდვების ლიდერ პროდუქტებთან მნიშვნელოვნად ზრდის კომპანიის მიერ დილერებისათვის შეთავაზებულ სერვისებს, რაც ხელს უწყობს მეტი მომხმარებლის ინტეგრირებას ონლაინ გაყიდვებში.
ეკონომიკის სამინისტროს ცნობით, 2018-2019 წლებში სტარტაპი Pulsar AI ინოვაციებისა და ტექნოლოგიების სააგენტოს ეგიდით განხორციელებული 100 000 ლარისა და 650 000 ლარის ოდენობით თანადაფინანსების გრანტების გამარჯვებულია.