დღეს, 5 აპრილს საერთაშორისო რესპუბლიკური ინსტიტუტის კვლევა გამოქვეყნდა, რომლის მიხედვითაც, მოსახლეობის 69% თვლის, რომ საქართველოსთვის ყველაზე მნიშვნელოვანი პოლიტიკური პარტნიორი ამერიკის შეერთებული შტატებია, 54%-ის აზრით – ევროკავშირი.
სხვა ქვეყნების შესახებ მონაცემები შემდეგია:
- უკრაინა - 23%
- აზერბაიჯანი - 17%
- თურქეთი - 13%
- სომხეთი - 11%
- რუსეთი 9%
- ჩინეთი - 4%
- ირანი - 3%
- არცერთი - 1%
- არ ვიცი/უარი პასუხზე - 3%
კვლევა ჩატარდა 2021 წლის 2-26 თებერვლის პერიოდში. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი – 75%.